TİBO-2013 informasiya və kommunikasiya texnologiyaları sərgisində ULTRA şirkəti iştirak edir

Aprelin 23-26-da Minskdə keçirilən TİBO-2013 sərgisində 15 ölkənin 300-dən çox şirkətinin məhsulları, həmçinin bir çox nazirliklərin stendləri nümayiş olunur.

ULTRA şirkəti sərgidə Azərbaycan Respublikasının Rabitə və İnformasiya Texnologiyaları Nazirliyi tərəfindən yaradılan Azərbaycan milli pavilyonunda təmsil olunur.Azərbaycan milli pavilyonunda ölkənin İKT sahəsinin son nailiyyətləri nümayiş olunur.

Sərginin ilk günü Azərbaycan Respublikası Rabitə və İnformasiya Texnologiyaları naziri Əli Abbasov və Belarus Respublikasının baş nazirinin müavini Anatoli Kalinin Ultra şirkətinin stendində olmuş, şirkətin inteqrasiya həlləri və yeni  Nexus məhsulları ilə tanış olmuşlar.Ultra şirkəti sərgidə E-Təhsil ,E-Sənəd Dövriyyəsi, E-imza, E-bank, ALİSA Elektron Kitabxana , Elektron Notariat və digər inteqrasiya sistemləri ilə yanaşı ən son Nexus məhsullarını da nümayiş etdirir. Ən son texnologiyalar üzərində hazirlanmış  həllər izləyicilərin xüssusi marağına səbəb olmuşdur.

Sərgi çərcivəsində keçirilən forumda şirkətinin baş direktoru Zaur Məmmədzadə Azərbaycan və Belarus arasında olan əməkdaşlıq münasibətləri haqqında danışmışdır. O, bildirib ki, hər iki ölkə arasında olan əməkdaşlıq münasibəti nəinki İKT sahəsini həm də bütün digər sahələri əhatə edir.

Qeyd edək ki, 2010 ci ildə fevral ayının 12-də Bakı şəhərində” Azərbaycan-Belarus” forumu kecirilmişdir.Həmən forumda ölkələr arasında əməkdaşlığı genişləndirmək məqsədilə Azərbaycanın “Ultra” şirkəti ilə Belarusun “ST Group” şirkəti arasında informasiya texnologiyaları sahəsində strateji əməkdaşlıq müqaviləsi imzalanmışdir.

ULTRA şirkəti ən böyük tərəfdaşlarından biri olan Belarus «ST Group»  şirkəti ilə birqə  banklar üçün proqram təminatı hazırlamışdır. E-bank həlləri Azərbaycanın ən iri banklarında tətbiq olunmuşdur. Ultra və ST şirkətləri arasında bağlanmış saziş Azərbaycanın İT inkişafına öz təsirini göstərmişdir. Bunun nəticəsi olaraq, II Azərbaycan-Belarus forumunda şirkətlər arasında bağlanmış sazişin müddəti artırılmışdir.

Azərbaycanın yeganə texnologiya brendi olan “Nexus”un yeni məhsulları - “Ultranote” noutbuku və AzPad planşeti TİBO-2013 sərgisində Azərbaycan milli pavilyonunu ziyarət edən sərgi ziyarətçiləri arasında böyük marağa səbəb olmuşdur.

TİBO-2013 sərgisi biznes-tərəfdaşlarla görüş və onların həllərinin nümayişini üçün meydança hesab olunur.Üç  gün ərzində yeni müqavilələr bağlanır və bütün dünya şirkətləri arasında aktiv təcrübə mübadiləsinin aparılması planlaşdırılır.


 
 E-Sənəd Dövriyyəsi
 


Tərəfdaşlar üçün Biznes üçün Ev üçün