Heydər Əliyev Fondunun dəstəyi ilə Ultra şirkəti Elektron bələdçiləri Qala muzey kompleksində olan Əntiq əşyalar muzeyində tətbiq etdi.

Sentyabrın əvvəlində Qala qəsəbəsində açıq səma altında ilk tarixi-etnoqrafik muzey kompleksinin ərazisində yerləşən Əntiq əşyalar muzeyinin açılışı oldu. Muzeyin təməli Heydər Əliyev fondunun dəstəyi ilə 2011-ci ilin iyununda qoyuldu və mühəndis, bərpaçı, mesenat və Qarabağ müharibəsi əlili «Azərbaycan bayrağı» ordeni kavaleri Şəhidə Həbibullayevanın şəxsi kolleksiyası üzrə yaradılıb.

Ziyarətçilər bələdçilərin xidmətləri vasitəsilə keçmişə baş vuraraq Qala muzey kompleksində yerləşən ərazidə nümayiş etdirilən eksponatlar barədə daha çox şey öyrənə bildilər və indi onlarda elektron bələdçilərin köməyi ilə muzey üzrə ekskursiyanın bütün gözəlliklərini hiss etmək imkanı yarandı.  Bu layihə Heydər Əliyev Fondunun və Ultra şirkətinin sıx əməkdaşlığı vasitəsilə hazırlanıb və həyata keçirilib.

Elektron bələdçi zahirən sensor ekranlı və möhkəm korpuslu zərif telefon dəstəyinə bənzəyir. 

Əntiq əşyalar muzeyində 800-dən artıq eksponat nümayiş etdirildi və onlar barədə məlumatlara Azərbaycan Respublikasının əməkdar artisti Hüsniyyə Mürvətova  və teleaparıcılar: Elza İbrahimova, Tamilla Şirinovanın səslərindən həzz alaraq qulaq asmaq olar. Muzeyin qiymətli əşyaları ilə tanışlıqdan başqa ziyarətçi elektron bələdçinin musiqi muşayiəti ilə oxutdurduğu qədim milli azərbaycan musiqisi ilə tanış olur. Muzey eksponatları üzrə məlumat əldə etmək üçün obyektin sıra nömrəsini elektron bələdçidə seçmək yetərlidir. Qala muzey kompleksi öz unikallığı ilə bir çox dünya ölkələri turistlərini cəlb edir və buna görə də mühazirəyə üç dildə qulaq asmaq olar: Azərbaycanca, ingiliscə və rusca. Gələcəkdə ehtimal var ki, daha iki dil əlavə ediləcək: Fransız və alman.
Elektron bələdçi – bu muzey ziyarətçilərinin fərdi bələdçisidir və onun istifadəsinin əsas üstünlüklərindən biri də odur ki, ziyarətçini eksponatla sıx kontaktda saxlayır.

2008-ci ildən Ultra şirkəti «Elektron bələdçi» layihəsini tətbiq etməkdədir.

Qeyd edək ki, Elektron bələdçilərin tətbiqi daha çox Avropa ölkələrində yayılıb və həmçinin onu bir çox Rusiya muzeyləri tətbiq edir: Puşkin adına Dövlət İncəsənət muzeyində (Moskva ş.), Tretyakov qalereyasında (Moskva ş.), Ermitajda (Sankt Peterburq ş.), Rusiya Dövlət Muzeyində (Sankt Peterburq ş.).

 


 
 E-Sənəd Dövriyyəsi
 


Tərəfdaşlar üçün Biznes üçün Ev üçün